གསར་འགྱུར་

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་་ཁང་གི་རིག་གཞུང་བརྗེ་རེས་ལས་གཞི་ལས། ༢༠༡༩ ཟླ་༨ ཚེས་༢༢ ནས་ཟླ་ ༩ ཚེས་༥ བར་ཉིན་གྲངས་བཅུ་ལྷག་ཙམ་རིང་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་སྣེ་ལེན་གྱིས་ཏུང་ལེན་མཐོ་སློབ་ཁང་ནས་ཕེབས་པའི་སློབ་ཕྲུག་རྣམས་དང་རིགས་གཞུང་བརྗེ་རེས་གནང་ཡོད་ཅིང་།

[vc_row][vc_column][vc_column_text]༢༠༡༩ ཟླ་༩ ཚེས་ ༢༡ ཉིན་འཛམ་གླིང་གཙང་བཟོ་ཉིན་མོ་དང་སྟབས་བསྟུན་ནས་མེག་ལོག་གཙང་བཟོ་རུ་ཁག་དང་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ལས་བྱེད་དང་སློབ་ཕྲུག དྭངས་བླང་བ་བཅས་མཉམ་རུབ་ཐོག་སྦག་སུག་སྲང་ལམ་གཡས་གཡོན་ཤིང་ནགས་དང་།

ལྷ་ལག་ཤེས་སྦྱོང་བརྡར་ལས་གཞི་ལས་༢༠༡༩ཟླ་༨པའི་ནང་ལག་ཤེས་སྦྱོང་བརྡར་མི་འདྲ་བ་ཁག་གསུམ་ཕན་འབྲས་ལྡན་པའི་ལས་རིམ་དེ་དག་སྐྱོངས་བཞིན་ཡོད་པ་ཧ་ཅང་གི་དགའ་སྤོབས་ངང་བསྒྲགས་འདོད་བྱུང་།  ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་གོ་སྒྲིག་དང་ཨ་རིའི་བོད་ཀྱི་ཐབས་རྩས་མཐུན་འགྱུར་གྱིས་ལྷ་ལག་ཤེས་སྦྱོང་བརྡར་ལས་གཞི་ནང་བོད་པའི་གཞོན་སྐྱེས་རྣམས་ཀྱི་མ་འོངས་པ་རང་ཉིད་ཀྱི་མདུན་ལམ་འཚོ་ཐབས་སམ་རང་ཉིད་ཀྱི་མདུན་ལམ་རང་ཉིད་ཀྱི་ལག་ཤེས་ལ་བརྟེན་ནས་འཚོ་ཐུབ་པའི་དམིགས་འབེན་གཙོ་བཟུང་གི་སྦྱོང་བརྡར་ལས་རིགས་ཁག་མི་ཉུང་བ་མཁོ་སྤྲོད་བྱེད་བཞིན་ཡོད་ན།

༢༠༡༩ ཟླ་ ༧ ཚེས་༨ ཉིན་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ལས་གཞི་འོག་རྡ་སར་རྟེན་གཞི་བྱས་པའི་(Rotary Club)བརྒྱུད་ནས་རྒྱ་གར་གྱི་སློབ་གྲྭ་(Surya Uday Charitable Trust) ལ་འཐུང་ཆུ་གཙང་མ་བཟོ་བྱེད་འཕྲུལ་ཆས་ཤིག་གསར་འཛུགས་བྱས་ཡོད་པ་རེད།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ལས་གཞི་ལས་བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ལས་རིམ་ཐེངས་གཉིས་པ་དེ་ཡང་མུ་མཐུད་དེ་༢༠༡༩ ཟླ་ ༧ ཚེས་༨ ཉིན་འགོ་འཛུགས་གནང་ཡོད་པ་དང་།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་རིག་གཞུང་བརྗེ་རེས་ལས་གཞི་འོག་འདི་ལོ་ཟླ་༧པའི་ནང་སྐུ་ཞབས་མཡེ་ཁལ་ལགས་དང་ཁོང་གི་བཟའ་ཟླ་པདྨ་ལགས་རྣམ་གཉིས་ཀྱིས་སྣེ་ཁྲིད་པའི་ཨ་རི་ནས་སློབ་ཕྲུག་ཚོགས་ཁག་མི་འདྲ་བ་གཉིས་ལྷ་ཞི་བའི་ཚལ་དུ་གནས་སྡོད་ཀྱིས་རིག་གཞུང་བརྗེ་རེས་ལ་མཉམ་ཞུགས་གནང་ཡོད་ཅིང་།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་ལོ་ལྟར་བྱེད་སྒོ་འདྲ་མིན་གྱི་ཐོག་ནས་འཛམ་གླིང་ཁོར་ཡུག་ཉིན་མོ་སྲུང་བརྩི་ཞུ་མུས་བཞིན། ༢༠༡༩ ལོར་བོད་པའི་སློབ་གྲྭ་ཁག་གསུམ་ནང་བོད་ཀྱི་རི་སྐྱེས་སྲོགས་ཆགས་དེ་དག་རྒྱུས་ལོན་ཡོང་ཆེད་སྲོགས་ཆགས་རྣམས་ཀྱི་རི་མོ་འགྲན་བསྡུར་ཞིག་གི་ཐོག ལྷ་ལས་བྱེད་དང་། དྭངས་བླངས་བ། སློབ་ཕྲུག་བཅས་མཉམ་རུབ་ཀྱིས་དམིགས་བསལ་ཁོར་ཡུག་གཙང་བཟོ་ལས་འགུལ་ཞིག་ཀྱང་སྤེལ་ནས་འཛམ་གླིང་ཁོར་ཡུག་ཉིན་མོ་སྲུང་བརྩི་ཞུས་ཡོད་པ་རེད། རི་མོའི་འགྲན་བསྡུར་དེའི་ནང་ཁྱོན་བསྡོམས་སློབ་ཕྲུག་གྲངས་༡༡༢ ཙམ་གྱིས་ཆ་ཤས་བླངས་ཡོད་འདུག དེ་ཚོའི་ནང་ནས་སློབ་ཕྲུག་རྩེ་ཕུད་གྲངས་༡༠ ལ་སློབ་ཕྲུག་རེར་བྱ་དགའ་ཧིན་སྒོར་༣༠༠༠ རེ་གནང་འདུག རྩེ་ཕུད་བཅུའི་རི་སྐྱེས་སྲོགས་ཆགས་་ཀྱི་རི་མོ་རྣམས་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ངོ་དེབ་དྲྭ་རྒྱའི་སྟེང་བཀོད་ཡོད་པ་རེད། འགྲན་བསྡུར་བྱ་དགའ་དངུལ་དམར་གྱི་མཐུན་འགྱུར་ནི། (Meltdown in Tibet) དཔེ་དེབ་ཀྱི་རྩོམ་པ་པོའམ་ཁོར་ཡུག་ཉམས་ཞིབ་པ་སྐུ་ཞབས་(Michael Buckley) ལགས་ཀྱིས་གནང་ཡོད་འདུག

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་རིག་གཞུང་བརྗེ་རེས་ཀྱི་ལས་གཞི་ལས་༢༠༡༩ཟླ་༦ནང་ཕྱི་རྒྱལ་གྱི་ཚོགས་ཁག་མི་འདྲ་བ་གསུམ་དང་མཉམ་རིག་གཞུང་བརྗེ་རེས་གནང་ཡོད་པ་རེད། དང་པོ་དེ་ཡུན་རིང་ནས་ང་ཚོར་རྒྱབ་སྐྱོར་གནང་གཁན་སྐུ་ཞབས་(Michael Smith)ལགས་དང་ཁོང་གི་བཟའ་ཟླ་པདྨ་ལགས་གཉིས་ཀྱི་སྣེ་འཁྲིད་པའི་ཏུན་ལན་མཐོ་སློབ་ནས་(Tulane University)སློབ་ཕྲུག་བརྒྱད་ཡོད་པའི་ཚོགས་པ་ཞིག་དང་ཉིན་བཅུ་གཅིག་ཙམ་གྱི་རིང་ལྷ་སློབ་ཕྲུག་རྣམས་དང་ལྷན་དུ་སྤྱིར་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་། ཡུལ་སྲོལ་གོམས་གཤིས་ལ་རྒྱུས་ལོན་དང་། སྒོས་སུ་རང་ཉིད་ཀྱི་མི་ཚེ་ལོ་རྒྱུས་བརྗེ་རེས་གནང་ཡོད་པ་རེད།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་དང་། ཨ་རིའི་བོད་ཀྱི་ཐེབས་རྩས་མཐུན་འགྱུར་འོག་གངས་ལྗོངས་བདེ་ཐང་ལྟེ་གནས་དང་མཉམ་འབྲེལ་གྱིས་རང་རིགས་གཞོན་སྐྱེས་རྣམས་ཀྱི་ཆེད་ ༢༠༡༩ ཟླ་ ༥ ཚེས་༨ ནས་ ཟླ་ ༨ ཚེས་ ༢༨ བར་དུས་ཡུན་ཟླ་བ་བཞི་ཙམ་རིང་བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ཞིག་འགོ་འཛུགས་གནང་ཡོད་ཅིང་། དེར་འཛུལ་ཞུགས་གནང་མཁན་རང་རིགས་གཞོན་སྐྱེས་གྲངས་བཅུ་ཙམ་བྱུང་ཡོད། སྦྱོང་བརྡར་གྱི་རྣམ་གྲངས་ལས་རིམ་ལས་བོད་ཀྱི་སྲོལ་རྒྱུན་ཕུར་མཉེ་ཆ་ཚང་། སུ་ཌན་སྲོལ་རྒྱུན་ཕུར་མཉེ་དང་དྲི་ཞིམ་གསོ་ཐབས་ཕུར་མཉེའི་ངོ་སྤྲོད།ཟླ་བ་གཅིག་དང་ཕྱེད་ཀ་རྩ་བའི་སློབ་ཁྲིད་དང་ཟླ་བ་གཉིས་དང་ཕྱེད་རིང་ལག་ལེན་གྱི་ཐོག་ནས་སྦྱོང་བརྡར་དང་། ལས་ཀ་དངོས་གཞིའི་སྦྱོང་བརྡར་སྤྲོད་བཞིན་ཡོད་པ་རེད།

༢༠༡༩ ཟླ་༣ ཚེས་ ༢༣ ཉིན་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་དང་ཨ་རིའི་བོད་ཀྱི་ཐེབས་རྩས་མཐུན་འགྱུར་འོག་གྷོ་པལ་པུར་བོད་ཁྱིམ་སློབ་གྲྭར་བོད་ཀྱི་ཁོར་ཡུག་གི་གལ་གནད་དང་དེའི་སྐོར་གོ་རྟོགས་གོང་མཐོར་གཏོང་ཆེད་གཏམ་བཤད་ཤིག་གནང་ཡོད་པ་དང་། གདན་ཞུས་གཏམ་བཤད་གནང་མཁན་རྣམས་ནི་རྒྱུན་གཏན་བོད་ཀྱི་ཁོར་ཡུག་ལ་རྒྱུས་མངའ་དང་ཤེས་ཚད་ཕུལ་དུ་བྱུང་བ་ཤ་སྟག་ཡིན་པ་རེད།