བཀའ་དྲིན་རྗེས་དྲན་མཚོན་བྱེད་དུ་སྐུའི་འཁྲུངས་སྐར་སྲུང་བརྩི་ཞུ་བ།
༢༠༡༩ ཟླ་༡༡ ཚེས་༥ ཉིན་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་འོག་ལྷ་ཞི་བའི་ཚལ་ཚོགས་ཁང་དུ་དད་དམ་གཡོ་བ་མེད་པའི་སྐྱ་སེར་རིས་མེད་འདུ་འཛོམས་ཐོག་༧བདག་ཉིད་ཆེན་པོ་མཁས་་དབང་་སློབ་དཔོན་ཟམ་གདོང་རིན་པོ་ཆེ་རྗེ་བཙུན་བློ་བཟང་བསྟན་འཛིན་ཆོས་ཀྱི་རྒྱལ་མཚན་དཔལ་བཟང་པོ་མཆོག་དགུང་གྲངས་༨༠ལ་ཕེབས་པའི་བཀའ་དྲིན་རྗེས་དྲན་མཚོན་བྱེད་དུ་སྐུའི་འཁྲུངས་སྐར་སྲུང་བརྩི་དང་འབྲེལ།
བོད་རྒྱལ་ཁབ་དང་མི་རིགས་ཀྱི་ཆེད་དུ་སྐུ་ཚེ་བསྐལ་བརྒྱར་བར་དུ་བརྟན་པའི་མཆོག་གསུམ་རྒྱལ་བ་རྒྱ་མཚོར་གསོལ་འདེབས་སྨོན་ལམ་དང་། འཁྲུངས་སྐར་བག་ལེབ་བགོ་འགྲེམ། གསོལ་ཇ་འབྲས་སིལ་འདེབས་འབུལ། རིན་པོ་ཆེ་མཆོག་གི་མཛད་རྣམ་གློག་བརྙན་གཟིགས་འབུལ། དེ་བཞིན་ཉིན་གུང་གསོལ་ཚིགས། གཞས་སྣ་འཁྲབ་སྟོན་སོགས་ཀྱིས་དགའ་སྤྲོའི་རྣམ་པ་ཡོངས་སུ་ཁེངས་པའི་འཁྲུངས་སྐར་སྲུང་བརྩི་ཟབ་རྒྱས་ཞུས་ཡོད་པ་རེད།