བློ་བཟང་དམ་ཆོས།
བློ་བཟང་དམ་ཆོས་ནི་སྨར་ཁམས་རོང་མི་ཞེས་པའི་གྲོང་ཚོ་ནང་སྐྱེས་ཤིང་། ཕྱི་ལོ་༡༩༩༤ལོར་བཙན་བྱོལ་དུ་འབྱོར་ནས་གསང་ཆེན་དཔལ་ལྡན་སྨད་རྒྱུད་གྲྭ་ཚང་དུ་ཆོས་སྒོར་ཞུགས་ནས་བོད་ཀྱི་རིག་གནས་དང་མདོ་སྔགས་ཀྱི་གཞུང་ལུགས་ཁག་ལ་ཐོས་བསམ་མི་དམན་ཙམ་བྱས་མཐར། ཕྱི་ལོ་༢༠༠༨ལོར་མདོ་སྔགས་རབ་འབྱམས་པ་སློབ་ཐོན་བྱས།༢༠༡༣ལོ་ནས་༢༠༡༥་བར་རྡ་ས་རུ་ཨིན་ཡིག་དང་གློག་ཀླད་སོགས་སྦྱངས་པ་བྱས། ༢༠༡༥ནས་༢༠༡༨བར་ལོ་གསུམ་མ་ཟིན་ཙམ་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་དུ་དྭངས་བླངས་ཀྱིས་བོད་ཡིག་རྨང་གཞི་འཛིན་གྲྭའི་སློབ་ཁྲིད་གནང་ཡོད།ཕྱི་ལོ་༢༠༡༨ ཟླ་༥ ནས་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་དུ་དངོས་སུ་ལས་བྱེད་འཛུལ་ཞུགས་ཀྱིས་བོད་ཡིག་གི་ལས་དྲུང་དང་། དེ་བཞིན་མཁས་དབང་སློབ་དཔོན་ཟམ་གདོང་རིན་པོ་ཆེ་མཆོག་གི་དྲྭ་རྒྱ་དང་། ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་དྲྭ་རྒྱ། བོད་ཀྱི་ཁོར་ཡུག་སྲུང་སྐྱོབ་ཀྱི་ཆ་འཕྲིན་དྲྭ་བ་བཅས་ཀྱི་དྲྭ་རྒྱའི་དོ་དམ་པ་དང་རྩོམ་སྒྲིག་པའི་འགན་འཁུར་ཞུ་མུས་ཡིན།