ཆོས་དབྱངས་དབང་མོ།
ཆོས་དབྱངས་དབང་མོ་ལགས་ནི་བོད་དུ་སྐྱེས་ཤིང་། ཕྱི་ལོ་༢༠༠༠ལོ་བཙན་བྱོལ་དུ་འབྱོར་ནས་ཐོག་མ་སྦིར་སུ་ཇ་སློབ་གྲྭར་འཛུལ་ཞུགས་ཀྱིས་འཛིན་རིམ་ ༡༢ ཐོན་རྗེས་ལྡི་ལིར་མཐོ་སློབ་འགྲིམ་བཞིན་དུ་༢༠༡༣ནས་༢༠༡༤་བར་ལོ་གཅིག་གི་རིང་བོད་རང་དབང་སློབ་ཕྲུག་ཚོགས་པའི་ཚོགས་མི་དང་(Naz Foundation NGO HIV/AIDS) སོགས་ཀྱིས་ནང་དྭངས་བླངས་ཀྱིས་ཕྱག་ལས་གནང་ཡོད་པ་དང་། མཐོ་སློབ་མཐར་ཕྱིན་ནས་ཟླ་ཤས་རྗེས་ལྡི་ལི་བོད་ཁང་དུ་ལོ་གཅིག་གི་རིང་ཕྱག་ལས་གནང་ཡོད། དེ་རྗེས་ཟླ་ཤས་རིང་ནད་པའི་ལྟ་སྐྱོང་ཚོགས་པ་ཞིག་ཏུ་ཕྱག་ལས་གནང་ཡོད་པ་རེད། ༢༠༡༨ ཟླ་ ༥ པ་ནས་འདི་གར་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་དུ་འཛུལ་ཞུགས་ཀྱིས་ལས་ཁུངས་སུ་ལས་དྲུང་དང་སྣེ་ལེན་འབྲེལ་མཐུད་པའི་ཕྱག་ལས་གནང་མུས་ཡིན།