བསྟན་འཛིན་ཤེས་རབས།
བསྟན་འཛིན་ཤེས་རབས་ལགས་ནི་བོད་ནང་སྐྱེས་ཤིང་། རང་ལོ་ ༥ ལ་སོན་སྐབས་རྒྱ་གར་ལ་འབྱོར་བ་དང་། ཁོང་ཐོག་མར་སྦིར་སུ་ཇཱ་སློབ་གྲྭར་འཛུལ་ཞུགས་ཀྱིས་གཞི་རིམ་གྱི་སློབ་སྦྱོང་གྲུབ་རྗེས། འཛིན་རིམ་ ༡༡ དང་ ༡༢ རྒྱ་གར་ལྷོ་ཕྱོགས་བྷེ་ཀོབ་བོད་ཁྱིམ་དུ་སློབ་སྦྱོང་བྱས།དེ་རྗེས་ལོ་ཡོ་ལ་མཐོ་སློབ་(Loyola College)ནས་ཉེ་བའི་གཙུག་ལག་རབ་འབྱམས་པ་སློབ་མཐར་ཕྱིན་རྗེས། རྒྱ་གར་གྱི་གྲོང་ཁྱེར་པུ་ནེར་ཡོད་པའི་སེམ་བྷོ་སི་གཙུག་ལག་སློབ་གཉེར་ཁང་ནས་(Symbiosis college)ཚོང་ལས་འཛིན་སྐྱོང་སྐོར་གཙུག་ལག་རབ་འབྱམས་པ་སློབ་ཐོན་བྱས།ཕྱི་ལོ་ ༢༠༡༤ ཟླ་ ༤ པའི་ནང་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་དུ་ལས་ཞུགས་ཀྱིས། ལྷའི་བོད་ཀྱི་ལུགས་མཐུན་ཚོང་ལས་ཁང་(Lha Tibet Fair Trade )གི་དོ་དམ་གྱི་འགན་འཁུར་བཞིན་ཡོད་པ་དང་། ཕྱི་ལོ་༢༠༡༨ ལོ་ ཟླ་ ༦ པའི་ནང་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་འགན་འཛིན་གཞོན་པ་དང་དྭངས་བླངས་འབྲེལ་མཐུད་པ་བཅས་ཀྱིས་ཕྱག་ལས་གནང་མུས་ཡིན།