ཨ་རིའི་བོད་ཀྱི་ཐེབས་རྩ་ཁང་གི་མཐུན་འགྱུར་འོག་བཙན་བྱོལ་བོད་མི་གནས་སྡོད་བཞུགས་སྒར་རྡ་རམ་ས་ལ་རྟེན་གཞི་བྱས་པའི་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ཞི་བའི་ཚལ་ཚོགས་ཁང་དུ་གཞུང་འབྲེལ་མ་ཡིན་པའི་ཚོགས་པ་འགའ་ལ་ཟབ་སྦྱོང་མ་འདྲ་བ་ཁག་གཉིས་གོ་སྒྲིག་གནང་ཡོད་པ་དང་ལྷ་སྤྱི་ཚོགས་ཞབས་ཞུ་དངཤེས་ཡོན་ལྟེ་གནས་ཁང་གི་དྲུང་ཆེ་རྡོ་རྗེ་སྐྱིད་ལགས་དང་ལས་ཁུངས་དོ་དམ་པ་ཆོས་དབྱངས་དབང་མོ་ལགས་རྣམ་གཉིས་ཀྱང་ཟབ་སྦྱོང་དེའི་ནང་མཉམ་ཞུགས་གནང་ཡོད་པ་རེད།
དེ་ཡང་ཐོག་མ་དེ་ཕྱི་ལོ་༢༠༡༨ ཟླ་ ༥ ཚེས་ ༡༦ ནས་༡༩་བར་ཉིན་བཞིའི་རིང་སྐུ་ཞབས་པིརགཋི་ཀུམར་(Pratik Kumar)་མཆོག་ནས་ ཚོགས་པ་ཁག་གི་ལས་དོན་འདས་ཟིན་པར་དཔྱ་ཞིབ་དང་འབྱུང་འགྱུར་ཐབས་ཇུས་ཀྱི་སྒྱུ་རྩལ་ལ་བརྟེན་ནས་ཚོགས་པ་ཡར་རྒྱས་དང་སྲ་བརྟན་ཡོང་ཐབས་སྐོར་གྱི་ཟབ་སྦྱོང་གནང་ཡོད་པ་དང་དེ་བཞིན་ཕྱི་ལོ་༢༠༡༨ ཟླ་ ༥ ཚེས་༢༨་ནས་༣༠བར་ཉིན་བཞིའི་རིང་ལྕམ་སྐུ་ཟླ་བ་ལྡན་ལགས་ཀྱི་དཔལ་འབྱོར་འདུ་འགོད་ཀྱི་ཟབ་སྦྱོང་ཞིག་ཀྱང་གནང་ཡོད་པ་རེད།