April ༡༨, ༢༠༡༨

༄༅།། བརྩེ་བའི་ངག་དབང་ལགས། ང་ཚོའི་མཐོ་སློབ་དང་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གཉིས་ལོ་བཅུ་བཞིར་མཉམ་ལས་བྱས་པར་དགའ་གུས་དང་། ལྷ་ཚོགས་པ་དབུ་བརྙེས་ནས་ལོ་ཉི་ཤུ་འཁོར་བའི་མཛད་སྒོར་བཀྲ་ཤིས་བདེ་ལེགས་ཞུ་རྒྱུ་ཡིན། ཚོགས་པའི་འཐུང་ཆུ་གཙང་མའི་ལས་འཆར་དང་། སྤྱི་ཐབ། བོད་པ་སྐྱབས་བཅོལ་བ་ཚོར་ཀམ་པུ་ཊར་དང་ཨིན་ཡིག་སློབ་ཁྲིད་གནང་བ། ཨ་རིའི་གཙུག་ལག་སློབ་ཁང་ཁག་གི་ལས་དོན་འདི་ཚོའི་ནང་མཉམ་ཞུགས་དང་འབད་བརྩོན་བྱེད་རྒྱུའི་གོ་སྐབས་བྱུང་བ། བོད་པའི་སྤྱི་ཚོགས་ནང་ལྷ་ནང་བཞིན་ནུས་ལྡན་ཕན་ཐོགས་ཡོད་མཁན་གྱི་གཞུང་འབྲེལ་མ་ཡིན་པའི་སྒྲིག་འཛུགས་ཉུང་ཉུང་ཡིན་ཞིང་། སིན་ཊིན་ནི་རེ་ནི་མཐོ་སློབ་ (Centenary College) ཆུང་ཆུང་ཞིག་ཡིན་མོད། འོན་ཀྱང་ལྷ་ཚོགས་པས་རྒྱ་གར་དུ་ཡོད་པའི་བོད་མི་སྐྱབས་བཅོལ་བའི་ཆེད་དུ་དྲན་གསོ་བྱེད་འོས་པའི་ལས་དོན་མང་པོ་ཞིག་བརྒྱུད་དེ་ང་ཚོའི་སློབ་ཕྲུག་མང་པོའི་མི་ཚེར་འགྱུར་བ་བཏང་ཡོད། ངའི་ངོས་ནས་ད་དུང་ལོ་མང་པོར་མཉམ་ལས་ཡོང་བའི་རེ་བ་བྱེད་བཞིན་ཡོད། འབུམ་རམས་པ་ཌི་ཝི་ཌི་ཨོ་ཋོ་ཡིས་ཕྱི་ལོ་ ༢༠༡༧ ཟླ་ ༩ ཚེས་ ༢༢ ཉིན།

༄༅།། བརྩེ་བའི་ངག་དབང་ལགས། (LMHPCO) ཡིས་ལྷ་ཚོགས་པས་བོད་པའི་སྤྱི་ཚོགས་ནང་ཞབས་ཞུ་བསྒྲུབས་ནས་ལོ་ཉི་ཤུ་འཁོར་བའི་དུས་སྟོན་འདིར་ཚོགས་པའི་རླབས་ཆེའི་ལས་དོན་ལ་བརྟེན་ནས་བོད་པ་སྐྱབས་བཅོལ་བའི་འཚོ་གནས་དང་། མི་ཚེའི་ཕན་བདེ་སྒྲུབ་མཁན་གྱི་རྒྱལ་སྤྱིའི་མཉམ་ལས་ཚོགས་པ་ཚང་མར་འཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིན། ལོ་ངོ་ཉི་ཤུར་མཚོན་ན་ལྷ་དང་ང་ཚོའི་མཉམ་ལས་ཀྱི་འབྲེལ་ལམ་བྱུང་རབས་དེ་ཐུང་ཐུང་ཤིག་ཡིན་མོད། འོན་ཀྱང་ལྷ་ཚོགས་པས་ང་ཚོར་ཐེབས་པའི་ཤུགས་རྐྱེན་ནི་ཆེས་གཏིང་ཟབ་ཡིན། ཕྱི་ལོ་ ༢༠༡༤ ལོ་ནས་བཟུང་ (LMHPCO) ཡིས་ (Hospice) དང་ (Palliative) འཕྲོད་བསྟེན་ལྟ་སྐྱོང་གི་ཁྱད་ལས་པའི་ཚོ་ཁག་དྲུག་དྲན་ཤེས་གྱི་སྒོམ་དང་། ཚེ་མཇུག་ཏུ་བདག་སྐྱོང་ལེགས་པོ་བྱེད་ཕྱོགས་སྐོར་གོ་བསྡུར་ཞུ་ཕྱིར་དྷ་སར་སྐོར་སྐྱོད་བྱེད་པར་འགྲོ་གྲོན་བཏང་ཞིང་། ཤར་ནུབ་འཕྲད་པའི་ཚོགས་འདུའི་ཉམས་མྱོང་བརྒྱུད་འཕྲོད་བསྟེན་ལྟ་སྐྱོང་ལག་ལེན་པ་རྣམས་ཀྱིས་དེར་སྐྱོད་པའི་ང་ཚོའི་སློག་གྲྭའི་སློབ་མ་རྣམས་ལ་མི་ཚེ་དང་། ཁྱད་ལས་ལག་ལེན་ལ་སྨན་པའི་རླབས་ཆེའི་ཤུགས་རྐྱེན་ཐེབས་བྱུང་། ཧི་མ་ལ་ཡའི་བྱང་ཕྱོགས་ཀྱི་རི་བོར་ཐུག་པའི་ང་ཚོའི་འགྲུལ་བཞུད་དེས་ང་ཚོའི་ཚོགས་མི་ཀུན་ལ་ནད་པར་ལྟ་རྟོགས་དང་། ལས་རོགས་ལ་འཆམ་མཐུན་བྱེད་པ་སོགས་གང་ཅིར་ཕན་ཐོགས་ཤིན་ཏུ་ཆེན་པོ་བྱུང་། ལྷའི་རྒྱབ་སྐྱོར་དང་མཉམ་ལས་མེད་ན་དེ་འདྲའི་བརྗེད་དཀའ་བའི་ཉམས་མྱོང་འདི་དག་ཡོང་ག་ལ་སྲིད།

༄༅།། ལྷ་སྤྱི་ཚོགས་ཞབས་ཞུ་ཁང་གིས་འགྲོ་བ་མིའི་རིགས་ལ་ལོ་ངོ་ཉི་ཤུའི་རིང་ཞབས་ཞུ་བསྒྲུབས་པར་བཀྲ་ཤིས་བདེ་ལེགས་ཞུ་འདོད་བྱུང་། ཚོགས་པ་འདིས་ད་ལྟ་རྒྱ་གར་དུ་སྡོད་པའི་བོད་རིགས་སྐྱབས་བཅོལ་བའི་སྤྱི་ཚོགས་ཀྱི་འཕོ་འགྱུར་ལ་མཐུན་རྐྱེན་སྦྱར་བ་ཙམ་མ་ཡིན་པར་ས་གནས་ཀྱི་རྒྱ་གར་མི་མང་གིས་མཚོན་པའི་ཧི་མ་ལ་ཡའི་རི་རྒྱུད་ཀྱི་མི་མང་དགོས་མཁོ་ཅན་དག་ལའང་ཞབས་ཞུ་སྒྲུབ་བཞིན་ཡོད། དྷ་སའི་རོ་ཊར་སྤྱི་ཚོགས་ཞབས་ཞུ་ཚོགས་པ་དང་ལྷ་སྤྱི་ཚོགས་ཞབས་ཞུ་ཁང་གཉིས་ ༢༠༠༥ ལོ་ནས་མཉམ་ལས་བྱ་འགོ་ཚུགས་པ་དང་། ལྷ་ཚོགས་པས་དྷ་སའི་རོ་ཊར་རི་སྤྱི་ཚོགས་ཞབས་ཞུ་ཚོགས་པ་དང་ལྷན་དུ་དྷ་སའི་དགོས་ངེས་ཅན་དག་ལ་རོགས་སྐྱོར་འདྲ་མིན་གྱི་སྲི་ཞུ་བསྒྲུབས་ཡོད། རོ་ཊར་སྤྱི་ཚོགས་ཞབས་ཞུ་ཚོགས་པ་ནི་འགྲོ་བ་མིའི་སྤྱི་ཚོགས་ལ་ཞབས་ཞུ་བསྒྲུབ་རྒྱུར་འབད་བརྩོན་བྱེད་བཞིན་ཡོད་ཅིང་། སྤྱི་ཚོགས་ཞབས་ཞུ་བརྒྱུད་ནས་མི་ཧ་ཅང་མང་པོའི་མི་ཚེར་འགྱུར་བ་གཏོང་མཁན་ཏེ་ལྷ་སྤྱི་ཚོགས་ཞབས་ཞུ་ཁང་དང་མཉམ་ལས་བྱེད་རྒྱུ་བྱུང་བ་ནི་ང་ཚོའི་གཟི་བརྗིད་ཅིག་ཡིན།ང་ཚོའི་མཉམ་ལས་བརྒྱུད་ནས་ལྷ་ཚོགས་པས་རྒྱ་གར་གྱི་ས་གནས་སློབ་གྲྭ་གསུམ་ལ་འཐུང་ཆུ་གཙང་བཟོའི་ལས་འཆར་དང་། གྱོན་གོས་ཤིན་ཏུ་ཕོན་ཆེན་པོའི་ཞལ་འདེབས། བྱིས་པའི་སློབ་དེབ་དང་། ཚིག་མཛོད་སྒམ་ཆེན་པོ་ ༥༥ སློབ་གྲྭར་འབྲུ་རིགས་ཞལ་འདེབས་སོགས་ལས་འཆར་འདྲ་མིན་ཐོག་ནས་རོགས་རམ་བྱས་ཡོད།

༄༅།། བརྩེ་བའི་ངག་དབང་ལགས་ཀྱིས་གཙོས་པའི་ལྷའི་ཚོགས་མི་ཡོངས་ལ། ལོ་ངོ་ཉི་ཤུའི་དུས་དྲན་གྱི་མཛད་སྒོ་སླེབས་པར་བཀྲ་ཤིས་བདེ་ལེགས་ཞུ་རྒྱུ་ནི་ང་ལ་མཚོན་ན་ཆེས་དམིགས་བསལ་གྱིས་སྤྲོ་སྣང་ལྡན་པ་ཞིག་རེད། ང་ནི་དེ་སྔོན་ལྷའི་དྭང་བླངས་པ་དང་དེང་སང་ཡང་ལྷ་དང་མཉམ་ལས་བྱེད་མཁན་ཞིག་ཡིན་སྟབས་ཚོར་སྣང་དམིགས་བསལ་བ་ཡོད་ཅིང་། ལྷས་ང་ལ་སེམས་འགུལ་ཐེབས་ཏེ་ཨོམ་ཕ་རཱ་ཀཱ་ཤཱི་ (Omprakash) ཚོགས་པ་གསར་འཛུགས་དང་། ཚོགས་པ་འདིའི་འགན་འཛིན་བྱེད་བཞིན་པ་སོགས་ངའི་མི་ཚེ་དང་ལས་དོན་ལ་འགྱུར་ལྡོག་ཆེན་པོ་བྱུང་ཞེས་བཤད་ཀྱང་རྫུན་དུ་འགྲོ་མི་སྲིད། ༢༠༠༤ ལོར་ང་ལྷ་ལ་ཡོང་ཞིང་། སྐབས་དེར་ང་ལོ་བཅོ་བརྒྱད་དང་བོད་པ་སྐྱབས་བཅོལ་བར་ཨིན་ཇི་སློབ་འདོད་ཆེན་པོ་ཡོད། ངས་དེ་དུས་རྒྱ་གར་དང་། བོད། དེ་བཞིན་ལྷས་སྒྲུབ་བཞིན་པའི་ལས་དོན་གྱི་སྐོར་མང་པོ་མི་ཤེས། སྐབས་དེར་ང་མཐོ་སློབ་ཀྱི་སློབ་མ་ཡིན་སྟབས་ངས་དྭང་བླངས་པའི་གོ་སྐབས་ཀྱི་སྐོར་ལ་ཉམས་ཞིབ་བྱས་པ་ཡིན། སྟབས་ལེགས་པ་ཞིག་ལ་ངའི་གྲོགས་པོ་དྷན་ཧྥར་མཱན་ (Dan Furman) ལོ་གཅིག་ཙམ་གྱི་སྔོན་ལྷ་ལ་འགྲོ་མྱོང་བ་དང་ཁོང་གིས་ང་བྱམས་པ་ཚེ་རིང་དང་འབྲེལ་བ་བྱེད་དུ་བཅུག་བྱུང་། ངས་དྲན་ཚོད་ལ་བྱམས་པ་ཚེ་རིང་གིས་སྐབས་དེའི་ཨིན་ཇིའི་ལས་འཆར་གོ་སྒྲིག་བྱེད་བཞིན་འདུག བྱམས་པ་ལགས་ཀྱིས་ང་ལྷ་ལ་ཨིན་ཡིག་སློབ་པར་སྐད་བཏང་ཞིང་། མི་རིང་བར་ང་དང་། དྷན། (Dan) ང་གཉིས་ཀྱི་གྲོགས་པོ་ནཱེག་སི་མཱི་ཐི་ (Nick Smith) བཅས་དྷ་སར་འབྱོར་ཞིང་། གཙུག་ལག་ཁང་གི་ལམ་འཁྲིས་སུ་ཡོད་པའི་ལྷའི་སྐད་ཡིག་འཛིན་གྲྭར་ཨིན་ཇིའི་བརྡ་སྤྲོད་དང་། གླེང་མོལ་འཛིན་གྲྭར་སློབ་ཁྲིད་བྱེད་བཞིན་ཟླ་བ་གསུམ་ཙམ་བསྡད་པ་ཡིན།

༄༅།། ངག་དབང་ལགས་བཀྲ་ཤིས་བདེ་ལེགས། ལྷ་སྤྱི་ཚོགས་ཞབས་ཞུ་ཁང་གིས་བོད་རིགས་ཆབ་སྲིད་སྐྱབས་བཅོལ་བར་ལོ་ངོ་ཉི་ཤུའི་རིང་གི་དོན་སྙིང་ལྡན་པའི་སྤྱི་ཚོགས་ཞབས་ཞུ་བྱས་པ་ལ་བཀྲ་ཤིས་བདེ་ལེགས་ཞུ། ལྷ་ཚོགས་པས་བོད་རིགས་སྐྱབས་བཅོལ་བ་དང་། ལྷའི་གྲོགས་པོ་རྣམས། དྭང་བླངས་པ། རྒྱ་ཆེ་བའི་མཐུན་གྲོགས་ཚོགས་སྡེ་སོགས་ལ་བཟང་ཕྱོགས་ཀྱི་ཤུགས་རྐྱེན་ཆེན་པོ་སྤྲད་ཡོད། ཪཱ་སི་ཊི་ཁི་པཱ་ཐི་ཝེ་ (Rustic Pathways) ཡི་སློབ་ཕྲུག་ཚོས་ ༢༠༠༦ ལོ་ནས་བཟུང་དྷ་ས་དང་། ཨཱོར་ལན་གསར་པ་ (New Orleans) ཨ་རི་སོགས་སུ་ལྷ་ལ་དང་བླངས་བྱེད་བཞིན་ཡོད་ཅིང་། ང་ཚོའི་སློབ་ཕྲུག་མང་པོ་ཞིག་གིས་ལྷ་རུ་གཉིས་སྨན་སློབ་གཉེར་གྱི་ཟླ་གྲོགས་དང་ལྷན་དུ་སློབ་སྦྱོང་བྱས་པ་དེ་རྒྱ་གར་དུ་བསྐྱོད་པའི་ཁོང་ཚོའི་ཉམས་མྱོང་ནང་ནས་བཟང་ཤོས་དེ་ཡིན་སྐོར་ཤོད་ཀྱི་འདུག ང་ཚོས་ལྷ་དང་མཉམ་ལས་བྱས་ནས་བྱུང་བའི་བྱམས་བརྩེ་དང་། ཤེས་རབ། ནུས་སྟོབས་སོགས་ཀྱི་བཀའ་དྲིན་དྲན་བཞིན་ཡོད།