གསལ་བསྒྲགས།

ཨ་རིའི་བོད་ཀྱི་ཐེབས་རྩས་མཐུན་འགྱུར་དང་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་འོག་༢༠༡༩ ཟླ་༡༡ ཚེས་༡ ནས་ཟླ་༡༢ ཚེས་༣༠ བར་རང་རིགས་གཞོན་སྐྱེས་རྣམས་ལ་ཁ་ལག་བཟོ་སྟངས་ཀྱི་ལག་ཤེས་སྦྱོང་བརྡར་ལས་རིམ་ཐེངས་གཉིས་པ་དེ་གནང་འཆར་ཡོད་ན། ཞུགས་བློ་ཡོད་རིགས་རྣམས་ནས་ཟླ་༡༠ ཚེས་ ༢༨ ནང་ཚུད་དུ་ཐོ་འགོད་ཟིན་པ་དགོས་རྒྱུ་དང་། སློབ་མ་བསྡུ་རྒྱུའི་གྲངས་ཚད་ངེས་ཅན་ལགས་པས་གྲངས་ཚད་དེ་ལས་ལྷག་པ་ཐོ་འགོད་བྱ་རྒྱུ་མིན་ན་དེ་དོན་དགོངས་པར་མངའ་བ་མཁྱེན།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་དང་། ཨ་རིའི་བོད་ཀྱི་ཐེབས་རྩས་མཐུན་འགྱུར་འོག་གངས་ལྗོངས་བདེ་ཐང་ལྟེ་གནས་དང་མཉམ་འབྲེལ་གྱིས་བོད་རིགས་གཞོན་སྐྱེས་རྣམས་ཀྱི་ཆེད་ ༢༠༡༩ ཟླ་ ༧ ཚེས་༡ ནས་ ཟླ་ ༩ ཚེས་ ༣༠ བར་དུས་ཡུན་ཟླ་བ་གསུམ་ཙམ་རིང་བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ལས་རིམ་གཉིས་པ་དེ་འགོ་འཛུགས་བྱ་འཆར་ཡོད་ན་ཞུགས་བློ་ཡོད་རིགས་རྣམས་ཀྱིས་ཟླ་ ༦ ཚེས་ ༢༧ ཉིན་ནང་ཚུད་དུ་ཐོ་འགོད་ཡོང་བའི་གསལ་བསྒྲགས་སུ།། སྦྱོང་བརྡར་གྱི་རྣམ་གྲངས་གང་ཡོད་པ་རྣམས་གཤམ་གསལ། • བོད་ཀྱི་སྲོལ་རྒྱུན་ཕུར་མཉེ་ཆ་ཚང་། • སུ་ཌན་སྲོལ་རྒྱུན་ཕུར་མཉེ་དང་དྲི་ཞིམ་གསོ་ཐབས་ཕུར་མཉེའི་ངོ་སྤྲོད། • བརྒྱ་ཆ་༣༠ ནི་རྩ་བའི་སློབ་ཁྲིད་དང་བརྒྱ་ཆ་༧༠ ལག་ལེན་གྱི་ཐོག་ནས་སྦྱོང་བརྡར་ཡིན། • ཟླ་བ་གཉིས་རིང་ལས་ཀ་དངོས་གཞིའི་སྦྱོང་བརྡར་སྤྲོད་རྒྱུ་ཡིན། • གང་ཟག་རང་ཉིད་ཀྱི་སྤྱོད་ལམ་གོང་མཐོར་གཏོང་ཐབས་དང་། གཞི་རྩའི་དཔལ་འབྱོར་འདུ་འགོད་གྱི་གོ་རྟོགས།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་དང་། ཨ་རིའི་བོད་ཀྱི་ཐེབས་རྩས་མཐུན་འགྱུར་འོག་གངས་ལྗོངས་བདེ་ཐང་ལྟེ་གནས་དང་མཉམ་འབྲེལ་གྱིས་རང་རིགས་གཞོན་སྐྱེས་རྣམས་ཀྱི་ཆེད་ ༢༠༡༩ ཟླ་ ༥ ཚེས་༨ ནས་ ཟླ་ ༨ ཚེས་ ༢༨ བར་དུས་ཡུན་ཟླ་བ་བཞི་ཙམ་རིང་བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ཞིག་འགོ་འཛུགས་བྱ་འཆར་ཡོད་ན་ཞུགས་བློ་ཡོད་རིགས་རྣམས་ཀྱིས་ཟླ་༥ ཚེས་༤ ཉིན་ནང་ཚུད་དུ་ཐོ་འགོད་ཡོང་བའི་གསལ་བསྒྲགས་སུ།།

ཕྱི་ལོ་ ༢༠༡༡ ཟླ་ ༧ ཚེས་ ༦ ཉིན་ཏེ་ྋགོང་ས་མཆོག་གི་སྐུའི་འཁྲུངས་སྐར་དང་སྟབས་བསྟུན་ལྷ་སྤྱི་ཚོགས་ཞབས་ཞུ་ཚོགས་པས་༼སྐྱབས་བཅོལ་བོད་མིའི་སྤྱི་ཐབ་༽འདི་གསར་དུ་སྒོ་ཕྱེས་ཤིང་། དེ་ཡང་སྤྱི་ཐབ་འདི་འདྲ་ཞིག་གསར་འཛུགས་བྱེད་དགོས་པའི་དམིགས་ཡུལ་གཙོ་བོ་གཉིས་ཡོད། དང་པོ། ང་ཚོ་སྐྱབས་བཅོལ་བའི་གནས་བབས་འོག་ཟས་གོས་སོགས་དཀའ་ངལ་ཡོད་མཁན་མི་ཉུང་བ་ཞིག་ཡོད་པས་ཉམ་ཐག་མི་མང་གི་དཀའ་ངལ་སེལ་ཆེད་དང༌། གཉིས་པ། ང་ཚོའི་སྤྱི་ཚོགས་ནང་ནད་རིགས་མང་པོ་ཞིག་ཟས་བཅུད་མི་འདང་བའི་དཀའ་ངལ་ལ་བརྟེན་ནས་ཡོང་གི་ཡོད་པས།

༄༅།། མཁྱེན་ལྡན་ཡངས་པའི་དང་བླངས་ལས་བྱེད་དང་བརྩེ་བའི་སློབ་ཕྲུག་གཙོས་འབྲེལ་ཡོད་ཞབས་ཞུ་གནང་ཡུལ་ཚང་མར་གསལ་བསྒྲགས་ཞུ་རྒྱུ། བོད་རྒྱལ་ལོ་ ༢༡༤༦ རབ་གནས་ས་ཕག་ལོའི་ལོ་གསར་དེ་ཕྱི་ལོ་༢༠༡༩ཟླ་༢ཚེས་༥ ནས་ཡིན་པས། ལྷན་རྒྱས་བོད་ཀྱི་ལོ་གསར་ལ་འཚམས་འདྲིའི་བཀྲིས་བདེ་ལེགས་ཞུ་རྒྱུ་དང་འབྲེལ་ལོ་གསར་དགའ་སྐྱིད་དཔལ་ལ་རོལ་ཞིང་ལོ་གསར་པའི་ནང་སྐུ་གཟུགས་གསལ་ཐང་དང་བྱ་གཞག་ཐམས་ཅད་ཡིད་བཞིན་དུ་ལེགས་འགྲུབ་ཡོང་བའི་སྨོན་ལམ་གྲངས་མེད་ཞུ་རྒྱུ་ཡིན།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་ལ་མ་བྱན་ལས་བྱེད་ཅིག་དགོས་མཁོ་ཡོད་པས། ཐུགས་འདོད་ཡོད་པ་གང་ཞིག་ལ་གཤམ་གསལ་ཆ་རྐྱེན་ཚང་རིགས་རྣམས་ཕྱི་ལོ་ ༢༠༡༨ ཟླ་ ༡༠ ཚེས་ ༢༢ བར་སྙན་ཞུ་འབུལ་འབྱོར་ཐུབ་པ་དགོས། ཆ་རྐྱེན་ཁག ༡༽དྭང་བླངས་དཔྱ་ཁྲལ་ལག་དེབ་ཡོད་པ་གང་ཞིག་དཔྱ་དངུལ་དུས་ཐོག་ཕུལ་ཡོད་པའི་ངོ་བཤུས། ༢༽གནས་ཡུལ་རྒྱལ་ཁབ་ནང་གནས་སྡོད་ཆོག་པའི་སྐྱབས་བཅོལ་ལག་ཁྱེར་ཡོད་ཅིང་དུས་འགྱངས་ཟིན་པའི་ངོ་བཤུས། ༣༽གཟུགས་གཞི་བདེ་ཐང་དང་ལས་འཕེར་ཡིན་པའི་ཚད་ལྡན་གྱི་སྨན་ཁང་ནས་སྨན་པས་ངོས་སྦྱོར། ༤༽ ལས་ཁུངས་གཞན་ལ་ལས་ཀ་བྱེད་མུས་ཡིན་ཚེ་དགག་བྱ་མེད་པའི་ངོས་སྦྱོར། ༥༽ ཉུང་མཐར་ཡང་ལོ་གསུམ་རིང་མ་བྱན་གྱི་ཉམས་མྱོང་ཡོད་པ་ཞིག་ཡིན་དགོས།

ཕྱི་ལོ་ ༢༠༡༧ ལོ་ནས་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་འོག་རང་རེའི་རྩ་ཆེའི་ཆོས་དང་། ལེགས་བྱང་། མི་རིགས་ཀྱི་ངོ་བོ་སོགས་ཀུན་གྱི་སྲོག་རྩར་གྱུར་པའི་བོད་ཀྱི་སྐད་ཡིག་འདི་ཉིད་མི་ཉམས་གོང་འཕེལ་དང་། ཉམས་པ་སླར་གསོའི་སླད། ཐུགས་སྣང་ཅན་གྱི་གཞུང་འབྲེལ་མ་ཡིན་པའི་ཚོགས་པ་ཁག་གི་ལས་བྱེད་གཙོས་པའི་རང་རེའི་སྤྱི་ཚོགས་ནང་བོད་ཀྱི་བརྡ་དག་རིག་གནས་ཡར་རྒྱས་གཏོང་འདོད་ཡོད་མཁན་རྣམས་ལ་དམིགས་ཏེ་དབྱར་ཁའི་ཟླ་བ་གསུམ་ཙམ་ཪིང་བརྡ་སྤྲོད་རིག་གནས་ཀྱི་འཛིན་གྲྭ་ཞིག་འཚོགས་ཡོད་པས་དོན་གཉེར་ཅན་མི་ཉུང་བ་ཞིག་ལ་ཕན་རླབས་ཆེན་པོ་བྱུང་འདུག་ན། འདི་ལོ་ཡང་ང་ཚོའི་ཚོགས་པ་དང་ཨ་རི་བོད་ཀྱི་ཐེབས་རྩ་ཟུང་འབྲེལ་གྱིས་རིན་མེད་ཀྱི་ཐོག་ནས་ཟླ་༨ ཚེས་༡༦ ནས་བཟུང་ཟླ་བ་གསུམ་གྱི་རིང་འཚོག་རྒྱུ་ལགས་ན།

༄༅།། ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་གོ་སྒྲིག་འོག་ཕྱི་ལོ་ ༢༠༡༨ ཟླ་ ༦ ཚེས་ ༥ ཉིན་འཛམ་གླིང་ཁོར་ཡུག་ཉིན་མོ་སྲུང་བརྩིའི་ཆེད་བོད་ཡིག་དང་ཨིན་ཡིག་གཉིས་ཀའི་ཐོག་ནས་རྩོམ་ཡིག་འགྲན་བསྡུར་ཞིག་བྱ་འཆར་ཡོད་ཅིང། བརྗོད་གཞི་ནི་”འགྱིག་ཤོག་རིགས་ཀྱིས་ཁོར་ཡུག་ལ་འབགས་བཙོག་མེད་པ་བཟོ་ཐབས་”ཅེས་པ་དེ་ཡིན། བོད་ཡིག་ཐོག་གི་རྩོམ་ཡིག་འབྲུ་ཆིག་སྟོང་ལྔ་བརྒྱ་ནས་ཆིག་སྟོང་བརྒྱད་བརྒྱ་བར་ཡིན། རྩོམ་ལུས་ནི་དཔྱད་རྩོམ་ཡིན་དགོས།