༢༠༢༦ ལོའི་ལྷ་སྤྱི་ཚོགས་ཞབས་ཞུ་ཁང་གི་བོད་ཀྱི་གཞོན་སྐྱེས་སྨན་ཞབས་ཀྱི་སློབ་ཡོན་ཐོབ་མཁན།
ཕྱི་ལོ། ༢༠༢༦ ཟླ། ༠༨ ཚེས། ༢༡
༄༅། །ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ཕྱི་ལོ་ ༢༠༢༦ ལོའི་གཞོན་སྐྱེས་སྨན་ཞབས་ཀྱི་སློབ་ཡོན་ཐོབ་མཁན་ལྔ་དང་ལྷན་དྲ་ཐོག་བརྒྱུད་སློབ་ཕྲུག་རྣམས་ཕན་ཚུན་ངོ་སྤྲོད་དང། ཚོགས་པའི་ལོ་རྒྱུས་ངོ་སྤྲོད། ལྷག་པར་སློབ་ཡོན་འདིའི་དམིགས་ཡུལ་གཙོ་བོ་ནི་ཁྱིམ་གྱི་དཔལ་འབྱོར་གྱི་རྒྱབ་རྟེན་མེད་པའི་དབང་གིས་སློབ་སྦྱོང་མཚམས་འཇོག་དགོས་པ་མི་ཉུང་བ་ཞིག་འབྱུང་གི་ཡོད་དུས། ང་ཚོས་རང་རིགས་གཞོན་སྐྱེས་རྣམས་ལ་རང་ཉིད་ཀྱི་ཕུག་གི་དམིགས་འདུན་འགྲུབ་པའི་ཆེད་སློབ་ཡོན་གྱི་ལས་འཆར་འདི་སྤེལ་བཞིན་ཡོད་སྐོར་སོགས་ངོ་སྤྲོད་བྱ་རྒྱུ་བྱུང་། འདི་ག་ཚོགས་པ་ནས་སློབ་ཡོན་ཐོབ་མཁན་རྣམས་ལ་འཚམས་འདྲི་བཀྲ་ཤིས་བདེ་ལེགས་ཞུ།