༢༠༡༩ ལོའི་བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ལས་རིམ་ཐེངས་དང་པོ་ལེགས་གྲུབ་བྱུང་བ།
ཕྱི་ལོ། ༢༠༡༩ ཟླ། ༠༦ ཚེས། ༡༩
ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་དང་། ཨ་རིའི་བོད་ཀྱི་ཐེབས་རྩས་མཐུན་འགྱུར་འོག་གངས་ལྗོངས་བདེ་ཐང་ལྟེ་གནས་དང་མཉམ་འབྲེལ་གྱིས་རང་རིགས་གཞོན་སྐྱེས་རྣམས་ཀྱི་ཆེད་ ༢༠༡༩ ཟླ་ ༥ ཚེས་༨ ནས་ ཟླ་ ༨ ཚེས་ ༢༨ བར་དུས་ཡུན་ཟླ་བ་བཞི་ཙམ་རིང་བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ཞིག་འགོ་འཛུགས་གནང་ཡོད་ཅིང་། དེར་འཛུལ་ཞུགས་གནང་མཁན་རང་རིགས་གཞོན་སྐྱེས་གྲངས་བཅུ་ཙམ་བྱུང་ཡོད། སྦྱོང་བརྡར་གྱི་རྣམ་གྲངས་ལས་རིམ་ལས་བོད་ཀྱི་སྲོལ་རྒྱུན་ཕུར་མཉེ་ཆ་ཚང་། སུ་ཌན་སྲོལ་རྒྱུན་ཕུར་མཉེ་དང་དྲི་ཞིམ་གསོ་ཐབས་ཕུར་མཉེའི་ངོ་སྤྲོད།ཟླ་བ་གཅིག་དང་ཕྱེད་ཀ་རྩ་བའི་སློབ་ཁྲིད་དང་ཟླ་བ་གཉིས་དང་ཕྱེད་རིང་ལག་ལེན་གྱི་ཐོག་ནས་སྦྱོང་བརྡར་དང་། ལས་ཀ་དངོས་གཞིའི་སྦྱོང་བརྡར་སྤྲོད་བཞིན་ཡོད་པ་རེད།