༄༅།།བོད་རྒྱལ་ལོ་ ༢༡༤༥ བོད་ཟླ་ ༡༠ ཚེས་ ༣༠ དང་། ཕྱི་ལོ་ ༢༠༡༨ ཟླ་ ༡༢ ཚེས་ ༧ ནས་ ༩ བར་ཉིན་གསུམ་གྱི་རིང་བོད་པའི་སྔོན་འགྲོའི་སློབ་གྲྭའི་དགེ་རྒན་རྣམས་ལ་༼བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་དང་ཆོས་ལུགས་ལ་མ་བརྟེན་པའི་བཟང་སྤྱོད་༽སྐོར་གྱི་ཟབ་སྦྱོང་ཞིག་གོ་སྒྲིག་ཞུས་ཡོད་པ་དང་།སྤྱིར་ཟབ་སྦྱོང་འདི་འདྲ་ཞིག་གོ་སྒྲིག་ཞུ་དགོས་པའི་དགོས་དམིགས་གཙོ་བོ་ནི་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་རླབས་ཆེན་གྱི་དགོངས་གཞི་དང་ལམ་སྟོན། ལྷག་པར་དུ་མ་འོངས་བོད་ཀྱི་སོན་རྩ་ཕྲུ་གུ་རྣམས་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་ཀྱི་དགོངས་དོན་གཞིར་བཟུང་བོད་མིའི་ངོས་འཛིན་མ་བརླག་པར་མིང་དོན་མཚུངས་པའི་བོད་མི་ཚད་ལྡན་ཞིག་དང་།གནའ་དེང་ཟུང་འབྲེལ་གྱི་ཤེས་ལྡན་པ་གང་མང་གསོ་སྐྱོང་གནང་ཐབས་ཆེད་དུ་དམིགས་པ་ཞིག་ཡིན།
