ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ ༢༠༡༧ ལོའི་ལོ་འཁོར་ལས་བསྡོམས་སྙན་ཐོ།
ཕྱི་ལོ། ༢༠༡༨ ཟླ། ༠༣ ཚེས། ༢༧
ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་། ཕྱི་ལོ་ ༢༠༡༧ ལོའི་ལས་བསྡོམས་སྙན་ཐོ་འདོན་སྤེལ་བྱེད་པར་སྤྲོ་བས་བརྟས། ང་ཚོས་ཚོགས་པའི་ལོ་ཉི་ཤུ་འཁོར་བའི་དུས་སྟོན་སྲུང་བརྩི་བྱས་པ་སོགས་ཕྱི་ལོ་ ༢༠༡༧ ལོ་ནི་ང་ཚོར་མཚོན་ན་དམིགས་བསལ་གྱི་ལོ་ཞིག་ཡིན་ལ། ལོ་འདི་ནི་སློབ་སྦྱོང་དང་། ཉམས་མྱོང་། འགྱུར་ལྡོག་གོང་འཕེལ་སོགས་ཀྱི་ལོ་ཞིག་ཏུ་གྱུར་སོང་། ལོ་འདིར་ང་ཚོས་དགོས་ངེས་ཅན་གྱི་ལས་འཆར་ ༣༤ ཙམ་ལག་བསྟར་བྱས་པ་ཡིན།