སྐྱབས་བཅོལ་བོད་མིའི་སྤྱི་ཐབ།

ཕྱི་ལོ་ ༢༠༡༡ ཟླ་ ༧ ཚེས་ ༦ ཉིན་ཏེ་ྋགོང་ས་མཆོག་གི་སྐུའི་འཁྲུངས་སྐར་དང་སྟབས་བསྟུན་ལྷ་སྤྱི་ཚོགས་ཞབས་ཞུ་ཚོགས་པས་༼སྐྱབས་བཅོལ་བོད་མིའི་སྤྱི་ཐབ་༽འདི་གསར་དུ་སྒོ་ཕྱེས། དེ་ཡང་སྤྱི་ཐབ་འདི་འདྲ་ཞིག་གསར་འཛུགས་བྱེད་དགོས་པའི་དམིགས་ཡུལ་གཙོ་བོ་གཉིས་ཡོད།

Soup Kitchenདང་པོ། ང་ཚོ་སྐྱབས་བཅོལ་བའི་གནས་བབས་འོག་ཟས་གོས་སོགས་དཀའ་ངལ་ཡོད་མཁན་མི་ཉུང་བ་ཞིག་ཡོད་པས་ཉམ་ཐག་མི་མང་གི་དཀའ་ངལ་སེལ་ཆེད་དང༌། གཉིས་པ། ང་ཚོའི་སྤྱི་ཚོགས་ནང་ནད་རིགས་མང་པོ་ཞིག་ཟས་བཅུད་མི་འདང་བའི་དཀའ་ངལ་ལ་བརྟེན་ནས་ཡོང་གི་ཡོད་པས། ང་ཚོའི་སྤྱི་ཚོགས་ནང་འཕྲོད་བསྟེན་ཡར་རྒྱས་གཏོང་ཆེད་སྤྱི་ཐབ་འདི་སྒོ་ཕྱེས་པ་ཡིན། 

སྤྱི་ཐབ་འདི་ནི་དྷ་རམ་ས་ལའི་བཙན་བྱོལ་བོད་མིའི་སྤྱི་ཚོགས་ནང་ཟས་བཅུད་ལྡན་པའི་སྤྱི་ཐབ་དང་པོ་དེ་ཆགས་ཀྱི་ཡོད་པ་རེད།

སྐྱབས་བཅོལ་བོད་མི་རྣམས་ཀྱིས་སྤྱི་ཐབ་འདིའི་ནང་ཞལ་ལག་ཐེངས་རེ་མཆོད་པར་ཟས་རིན་ཧིན་སྒོར་༡༥ལས་སྤྲོད་དགོས་ཀྱི་མེད་ཀྱང་། ཟས་རིན་ཧིན་སྒོར་༡༥ཡང་སྤྲོད་མི་ཐུབ་པའི་ཉམ་ཐག་ཁག་ཅིག་ལ་རིན་མེད་དུ་འབུལ་གྱིན་ཡོད།

ལྷའི་སྤྱི་ཐབ་ནང་ཞལ་ལག་ཐེངས་རེ་མཆོད་པར་ཧིན་སྒོར་༡༥སྤྲོད་མཁན་གྱིས་བརྒྱ་ཆ་༩༡དང་། རིན་མེད་དུ་མཆོད་མཁན་གྱིས་བརྒྱ་ཆ་༩ཟིན་ཡོད་པ་རེད།

སྤྱི་ཐབ་འདིའི་ནང་གཅུད་ལྡན་གྱི་ཞལ་ལག་དང་། ཤིང་ཐོགས། དྭངས་གཙང་གི་འཐུང་ཆུ་བཅས་ཀྱིས་སྤྱི་ཐབ་འདིའི་ནང་ཞལ་ལག་བཞེས་མཁན་ཚོས་ཁོང་ཚོའི་འཕྲོད་བསྟེན་ལ་ཕན་ཐོགས་ཆེན་པོ་འབྱུང་གིན་ཡོད་སྐོར་འགྲེལ་བརྗོད་གནང་གི་འདུག