ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་ལ་གཟེངས་རྟགས་ཨང་གཉིས་པ་ཐོབ་པ།

Lha at New Delhi 2ཕྱི་ལོ་ ༢༠༡༤ ཟླ་ ༡༡ ཚེས་ ༥ ཉིན་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་ལ་ལྷོ་ཨེ་ཤ་ཡའི་ནང་བརྟེན་གཞི་བྱས་ཡོད་པའི་གཞུང་འབྲེལ་མིན་པའི་ཚོགས་པས་བརྡ་འཕྲིན་བེད་སྤྱོད་ཆེས་ཡག་ཤོས་གཏོང་མཁན་གྱི་གཟེངས་རྟགས་ཨང་གཉིས་པ་དེ་ཐོབ་ཡོད་པ་རེད།

Lha at New Delhi 5

རྒྱ་གར་གྱི་རྒྱལ་ས་ལྡི་ལིར་ཡོད་པའི་བརྡ་འཕྲིན་ཐེབས་རྩས་གོས་སྒྲིག་འོག ལྷོ་ཨེ་ཤེ་ཡའི་ནང་གཞུང་འབྲེལ་མིན་པའི་ཚོགས་པས་བརྡ་འཕྲིན་བེད་སྤྱོད་ཆེས་ཡག་ཤོས་གཏོང་མཁན་རྟིང་མའི་འདེམས་སྒྲུབ་ཀྱི་མཛད་སྒོ་ཐེངས་གསུམ་པ་དེ་ཟླ་འདིའི་ཕྱི་ཚེས་ ༤ ནས་ ༥ བར་ཉིན་གྲངས་གཉིས་རིང་རྒྱ་གར་གྱི་རྒྱལ་ས་ལྡི་ལི་གསར་པའི་ཧཱ་བྷེ་ཊ་ཊི་སན་ཊར་(Habitat Centre)རུ་འཚོགས་ཡོད་པ་རེད།Lha at New Delhi 3

ཐོག་མར་ལྷོ་ཨེ་ཤེ་ཡའི་རྒྱལ་ཁབ་རྒྱ་གར་དང་། བལ་ཡུལ། ཨ་ཧྥ་གྷ་ནི་སི་ཐན། པཱ་ཀི་སི་ཐན། སིང་ག་ལ། བྷང་ལ་དྷེ་ཤེ་བཅས་ཀྱི་ནང་བརྟེན་གཞི་བྱས་ཡོད་པའི་གཞུང་འབྲེལ་མིན་པའི་ཚོགས་པ་སྟོང་ཕྲག་མང་པོ་ཡོད་པའི་ནང་། བརྡ་འཕྲིན་བེད་སྤྱོད་ཡག་ཤོས་གཏོང་མཁན་སྡེ་ཚན་བརྒྱད་ལ་ཆ་བགོས་ཀྱིས་ཚོགས་སྡེ་གྲངས་ ༣༠༧ འདེམས་སྒྲུབ་བྱས་ཡོད་པ་དང་། དེ་དག་ནང་མཐའ་མའི་འདེམས་སྒྲུབ་སྐབས་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་ལ་གཟེངས་བསྟོད་དང་བྱ་དགའ་ཨང་གཉིས་པ་ཐོབ་ཡོད།
Lha at New Delhi 4ཐེངས་འདིར་མཛད་སྒོ་སྐབས་ཚོགས་སྡེ་སོ་སོས་དུས་ཡུན་སྐར་མ་ ༥ རིང་ཚོགས་པའི་ལས་དོན་ངོ་སྤྲོད་དང་། ཚོགས་པའི་ལག་དེབ་འགྲེམས་སྤེལ། ཚོགས་ཁང་གི་གཡས་གཡོན་དུ་པར་རིས་དང་འགྲེམས་བཤད་ཡོད་པའི་འཕྲད་དར་འགྲེངས་འཇོག་བཅས་བྱས།Lha at New Delhi 1

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་འགན་འཛིན་གཞོན་པ་བློ་བཟང་རབ་བསལ་ལགས་དང་། དྲུང་ཆེ་འབྲུག་བསྟན་སྐྱིད་ལགས། ལས་དྲུང་ཚེ་རིང་དབང་འདུས་ལགས་བཅས་མཛད་སྒོར་ཆེད་བཅར་གྱིས་ཚོགས་པའི་ཚབ་ཞུས་ནས་གཟེངས་བསྟོད་བླངས། དྲུང་ཆེ་འབྲུག་བསྟན་སྐྱིད་ལགས་ཀྱིས་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་དང་ཚོགས་པའི་ལས་དོན་བྱེད་ཕྱོགས་ངོ་སྤྲོད་དང་། འདེམས་སྒྲུབ་པ་དང་མི་མང་གི་དྲི་བར་ལན་འདེབས་བྱས།
Lha at New Delhi 7མ་ཚད་མཛད་སྒོ་ཐོག་ཁྱོན་མི་གྲངས་སྟོང་ཕྲག་འགའ་ཤས་འདུ་འཛོམས་སར་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ཚོགས་པའི་ངོ་སྤྲོད་ལབ་དེབ་དང་། ཁོར་ཡུག་གོ་རྟོགས་ལག་དེབ། ལྷག་པར་དུ་འབྲེལ་གཏུགས་དུས་དེབ་ (Contact magazine) སོགས་འགྲེམས་སྤེལ་རྒྱ་ཆེར་བྱས་སྟབས། བོད་དང་བོད་མིའི་གནས་སྟངས་སྐོར་ལའང་ངོ་སྤྲོད་དང་འགྲེལ་བརྗོད་གང་ལེགས་བྱུང་ཡོད་པ་རེད།
Lha at New Delhi 6གོ་སྐབས་འདིའི་བརྒྱུད་ང་ཚོས་དང་བླངས་བ་དང་ང་ཚོའི་ལས་དོན་ལ་རྒྱུན་དུ་རྒྱབ་སྐྱོར་གནང་མཁན་ཡོངས་ལ་ཐུགས་རྗེ་ཆེ་ཞེས་ཞུ་རྒྱུ་ཡིན།