སློབ་དཔོན་ཟམ་གདོང་རིན་པོ་ཆེའི་མངོན་བསྟོད་གླེགས་བམ་ཆེད་རྩོམ་བསྡུའི་གསལ་བསྒྲགས།

Samdhong Rinpoche༄༅།།ཤེས་རིག་ལང་ཚོའི་དཔལ་གྱིས་རབ་ཏུ་ཕྱུག་པའི་རྒྱ་ཆེའི་སྨྱུག་ཐོགས་པ་ཡོངས་ཀྱི་སྙན་དབང་དེུ།

ཆེད་ཞུ། དགོངས་གསལ་བཞིན་ཕྱི་ལོ་༢༠༡༤ཟླ་༡༡ཚེས་༥ཉིན་ནི་ལུགས་གཉིས་ཤེས་བྱའི་གནས་ལ་མཁྱེན་པ་མཆོག་ཏུ་ཡངས་ཤིང་། བསྟན་སྲིད་བྱ་བའི་ཁུར་ཆེན་ཕྲག་ཏུ་བཞེས་པ་

སློབ་དཔོན་ཟམ་གདོང་རིན་པོ་ཆེ་མཆོག་དགུང་གྲངས་དོན་ལྔར་ཕེབས་པའི་སྐུའི་འཁྲུངས་སྐར་ལ་བརྟེན། གང་གི་བཀའ་དྲིན་ཞོ་ཤས་ཀྱིས་འཚོ་བའི་ཝཱ་ཎ་སློབ་ཟུར་རྣམས་ནས་རང་རེའི་མེས་པོའི་ཕྱག་བཞེས་ལྟར་དྲིན་ཆེན་གྱི་མི་ལ་དྲིན་གཟོ་བའི་སླད་དུ་འཁྲུངས་སྐར་རྒྱས་པ་ཞིག་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་གནང་འཆར་གྱིས་གོ་སྒྲིག་ཞུ་སྒོ་ཁག་འགྲོ་མུས་དེ་ལྟར་ཡང་། འུ་ཅག་ན་གཞོན་ཁག་ཅིག་ནས་ཀྱང་མ་བགྲོས་བསམ་པ་གཅིག་མཐུན་མ་བསྐུལ་དང་བས་བླངས་ཏེ་གང་གི་འཁྲུངས་སྐར་ལ་བཀའ་དྲིན་རྗེས་དྲན་དང་རྟེན་འབྲེལ་སྲི་ཞུ་མཚོན་ཕྱིར་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་ཐུགས་འགན་འོག་“བཀའ་དྲིན་རྗེས་དྲན་མངོན་བསྟོད་གླེགས་བམ།” ཞེས་པའི་དཔེ་དེབ་ཅིག་དཔར་བསྐྲུན་ཞུ་འཆར་ཡོད་ཅིང་། དེ་ནི་རྒྱ་ཆེ་བའི་རིས་མེད་སྨྱུག་ཐོགས་པ་ཡོངས་ཀྱིས་སློབ་དཔོན་གང་གི་འཁྲུངས་སྐར་མཛད་སྟོན་ལ་རྟེན་འབྲེལ་ཞུ་ཕྱིར་བཀའ་དྲིན་རྗེས་དྲན་གྱི་རྩོམ་ཡིག་སྤེལ་སའི་ངོ་བོར་གོ་སྒྲིག་ཞུ་རྒྱུ་ལགས་ན། རྒྱ་ཆེའི་སྨྱུག་ཐོགས་པ་གང་ན་སུ་བཞུགས་ཀྱིས་རྩོམ་ལུས་སྣ་ཚོགས་ཐོག་ནས་བོད་ཨིན་གང་རུང་ནང་རྩོམ་ཡིག་གནང་སྐྱོང་ཡོང་བ་དང་། རྩོམ་ཡིག་གི་ཡིག་འབྲུར་རྒྱས་བཅད་མེད་རུང་། རྩོམ་ཡིག་གང་ཞིག་གླེགས་བམ་དུ་འཁོད་དང་མ་འཁོད་ཀྱི་ཐག་གཅོད་ནི་བཀའ་དྲིན་རྗེས་དྲན་མངོན་བསྟོད་གླེགས་བམ་རྩོམ་སྒྲིག་ཚོགས་ཆུང་ནས་གནང་རྒྱུ་ཡིན་པ་སྔོན་ཚུད་ནས་མཁྱེན་རྟོགས་དགོས་རྒྱུ།

རྩོམ་ཡིག་རྣམས་རྩོམ་པ་པོ་སོ་སོའི་དངོས་མིང་དང་ལོ་རྒྱུས་མདོར་བསྡུས་རེ་བཅས་ ༢༠༡༤ ཕྱི་ཟླ་༩ཚེས་༣༠གོང་དུ་གཤམ་བཀོད་འབྲེལ་གཏུག་ཁ་བྱང་ཐོག་ངེས་གནང་ཡོང་བ་ཞེས་གསལ་བསྒྲགས་སྔོན་སོང་ཡང་། ད་ཆ་རྩོམ་པ་པོ་གང་མང་ཞིག་གིས་དུས་ཚོད་ཐུང་རྐྱེན་གྱིས་རྔོ་ཐོགས་དཀའ་ཚུལ་ཡང་ཡང་གསུངས་པ་ལ་བརྟེན། རྩོམ་ཡིག་འབྱོར་ཚེས་ཕྱིས་བཤོལ་གྱིས་ ༢༠༡༤ ཕྱི་ཟླ་ ༡༠ ཚེས་ ༡༠ བར་འཇོག་གཏན་འཁེལ་བས། དེའི་ནང་ཚུད་ངེས་པར་དུ་གནང་ཐབས་ཡོང་བ་ཅི་ནས་གནང་སྐྱོང་ཡོང་བ་དང་། ཅི་སྟེ་དགོན་སྡེ་གྲྭ་ཚང་དང་། གཞུང་འབྲེལ་མ་ཡིན་པའི་ཚོགས་སྡེ་སྒྲིག་འཛུགས། ཤེས་ཡོན་སྡེ་ཚན། དེ་བཞིན་སློབ་གྲྭ་ཁག་ནས་ཀྱང་ཐུགས་རྗེ་ལེགས་འབུལ་དང་བཀའ་དྲིན་རྗེས་དྲན་གྱི་ཕྱག་བྲིས་གནང་སོན་བྱུང་ནའང་དགའ་བསུ་ཞུ་རྒྱུ་ཡིན། བཀའ་དྲིན་རྗེས་དྲན་མངོན་བསྟོད་གླེགས་བམ་རྩོམ་སྒྲིག་ཚོགས་ཆུང་ནས་ ༢༠༡༤ ཕྱི་ཟླ་ ༨ ཚེས་ ༢༠ ལ་ཕུལ།།

༡། ངག་དབང་རབ་རྒྱས།
༢། བསྟན་འཛིན་ཕན་བདེ།
༣། གཙང་ཕྲུག་སྟོབས་ལགས།
༤། བསོད་ནམས་བཟང་པོ།
༥། བུདྡྷཱ་སྐྱབས།
གློག་འཕྲིན་ཁ་བྱང་།

ཡིག་ཟམ་ཁ་བྱང་།

Lha office
Temple Road, Mcloed Ganj-17629
Dharamshala, Distt. Kangra H.P India

གློག་འཕྲིན་ཁ་བྱང་།
This email address is being protected from spambots. You need JavaScript enabled to view it.

ཁ་པར་ཨང་གྲངས།
98166 89222

སྐད་འཕྲིན་ (WeChat) ཁ་བྱང་།
FIREDRAGON1977 ཡང་ན་ 98166 89222